سرقة سيارة وزير الداخلية السوري الجديد

نفت مصادر سورية مطلعة صحة ما نشرته أمس الاثنين اكثر من وسيلة اعلامية
الكترونية، حول قيام عصابة من "الشبـيحة"، بسرقة سيارة وزير الداخلية
"المرسيدس المصفحة".وقالت المصادر إن «الخبر الكاذب يمثل تناغنا بين
"الاخوان المسلمين" وتصريحات نائب الرئيس السابق عبد الحليم خدام».



وكان كل من موقع "ايلاف" الالكتروني المحجوب في سورية، و موقع "اخبار
الشرق" الذي يصنف رسميا في دمشق على انه احدى واجهات حركة الاخوان
المسلمين المحظورة، كانا نشرا خبرا مفاده ان «عصابة يعتقد أنها من تلك
التي يعرفها السوريون باسم "الشبيحة"؛ قامت بسرقة سيارة وزير الداخلية
السوري اللواء بسام عبد المجيد، وهي من نوع مرسيدس "شبح" مصفحة».

وذكر موقع "اخبار الشرق" ان السرقة تمت «في منطقة جرمانا في ريف دمشق. وقد
عممت وزارة الداخلية على جميع الجهات الأمنية المواصفات الخاصة بسيارة
الوزير»، معتبرة ان «حادثة السرقة بحد ذاتها تمثل إحراجاً للوزير الجديد
التي عين في منصبه في التعديل الوزاري الذي أجري هذا الشهر».

وبعد ان حذر الموقع المحظور بدوره داخل سورية، من «مخاطر» استخدام السيارة
المسروقة من قبل العصابة، اعتبر ان «عملية سرقة سيارة الوزير رسالة للرئيس
السوري من قبل عصابات السلب والنهب التي تسمى الشبـيحة».

واكدت المصادر لـ"سيريا نيوز" ان الخبر المشار اليه «ملفق بالكامل»، موضحة
ان «وزير الداخلية الجديد لا يمتلك اساسا سيارة مصفحة حتى يتم سرقتها».

وقالت: «كانت لدى الوزير السابق غازي كنعان سيارة مصفحة، ولكنها سحبت من الوزارة بعد انتحار الوزير».

وربطت المصادر بين ما نشره موقع اخبار الشرق المحسوب على حركة الاخوان
المسلمين، وبين تصريحات سابقة لنائب رئيس السوري المنشق عبد الحليم خدام،
حيث كان قد اعلن ان «عصابات الشبـيحة من اقرباء الرئيس الاسد هم الذين
يقومون بسرقة المواطنين وترهيبهم».

وقالت المصادر ان «الخبر السابق جاء بعد اللقاء الذي جميع بين المرشد
العام لحركة الاخوان المسلمين صدر الدين البيانوني وبين خدام، ما يؤكد على
وجود تناغم بين الجهتين لتصوير البلاد وكأنها تعيش تحت رحمة العصابات»
المحسوبة على اسرة الاسد.



Posted by: a_aroush

إذا كان الخبر كاذب أو صحيح .

يبقى السؤال : هل هناك عصابة بهذا الاسم في سوريّا ؟. و هل فعلاً من عائلة الرئيس .

و إذا كان كذلك فما هو موقف الدولة منهم ؟. طالما أن هويتهم مكشوفة إلى هذه الدرجة , و الكل يعرف من هم .

سؤال آخر : ألا يكفي حزب الأخوان المسلمين أو عبد الحليم خدام لأن يحرجوا
السلطة بواقع و حقيقة وجود هذه العصابات , دون الحاجة لتلفيق قصّة , أليس
وجودهم بحد ذاته شيء محرج ؟.

و شكراً




Posted by: فايز زكور

مع أنو عبد الله طلب مني عدم الرد (يعني كأنك يا عبد الله عم تقلي رد) وكأنك ما حلّك تعرفني
على كل حال
بهية مارديني هي مراسلة موقع إيلاف المحجوب في سورية . ومع أنو الموقع
محجوب بس من فترة عملوا معها لقاء على التلفزيون السوري (يعني شي بيخليك
تجن ع المزبوط)
وبما أنو ما حدا كثير سمع بهالخبرية بس ما معناه أنو ما صارت (يعني لو ما
نشوف صور سقوط بغداد مباشرة على الجزيرة :: كان ثلاثة أرباع سكان سورية
بيقولولك أن وبغداد ما سقطت لأنو التلفزيون السوري وقتها كان عم يبث
برنامج عن أعماق البحار)
بس المفيد برد مريم أنه يؤكد أن الخبر انتشر وإلا ما كانوا عذبوا حالهن بتكذيبو
على مل حال يبقى الخبر خبراً ويمكن لنا أن نصدقه أو ننفيه أو ببساطة نغلق الصفحة بالماوس (ويا دار ما دخلك شر)
بس في ملاحظة بحب ذكركم بها وهي أن نفس المحاولة جرت مع غازي كنعان أول ما تسلم الوزارة بس طلع إد حالو

بالنهاية وبعد هالغيبة بقلكن فايز رجع
وهلق بعد ما فضي راسي شوي بنقدر نحكي أكثر

ودمتم بخير::




Posted by: Desert rose

المهم النتيجة ياعزيزي
السيارة أنسرقت أو ماانسرقت
القصة صارت ...أو .......ماصارت
هلق كلنا شفنا عالفضائيات بأنو بغداد سقطت لذلك صدقنا لأن بالفعل بغداد سقطت .
طيب هلق نحنا سمعنا السيارة انسرقت بعدين اسمعنا بأنو ما انسرقت فمين لازم نصدقن نحنا الشعب المعتر (يعني شي بيخليك تجن ع المزبوط)

أهلين فايز الحمدلله عالسلامة بس ليه جاي وحامل علينا


زهرة الصحراء





Posted by: a_aroush

قلت رح كبّر الخط شوي و أعملو بلون أزرق بلكي بيشوف فايز شو عم أكتب .

فايز صحيح نبسطنا برجعتك بس مثل ما قالت سناء شو
قصتك ساحب علينا بارودة و جاي , يا عمي أنا ايمت قلتلك ما ترد عليي
!!!!؟؟؟؟. شو نايم يعني , خليتني شك بحالي و رجعت اقرا شو كتبت .

هلأ لازم تفهم من كلامي أني ما بأيد فكرة تكذيب
الخبر , ليش ؟ لأن لو حبو مشيعين الخبر يحرجو الحكومة و الرئيس , بيكفي
يفضحو وجود مثل هيك عصابة , و خصوصاً إذا مثل ما مكتوب أنهم من عيلة
الرئيس . و هي بهذلة لحالها أكبر بكثير من قصة سيارة .....ى نسرقت , فلشو
رح يألفو هيك قصّة .

بس السؤال اللي بدي ترد عليه أو حدا يرد عليه هو
: هل فعلاً هذه العصابة موجودة , و هل هم من أقرباء الرئيس , و ما موقف
الدولة منهم ؟

ما بيهمني الخبر صح أو لاء .




Posted by: Desert rose

ياعبدلله لوين بدك توصل ؟

وشو بهمك إذا في هيك عصابة أم أنو هالعصابة اليوم إنخلقت لشي سبب ؟؟

طيب الطابة هلق بملعبك :

يعني .....

بفرض حدا عقب وقال نعم في هيك عصابة وبتقرب الرئيس شو رح يتغيير علي وعليك ؟
ولو التعقيب وصل بأنو لا مافي عصابة بتقرب الرئيس كمان شو رح يتغيير علي وعليك ؟

خلص قدد شوي هالوطنية لارح يطلع معي شي ولامعك رح يطلع؟

يعني مش أول إشاعة بتطلع عالبلد ولا أول إشاعة بتتكذب !!!!

أنت بس أدعيلنا نضل نروح ناكل لوز وتين عنب ونشرب عرق .............. ومابدنا غير شي !!!!!


زهرة الصحراء




Posted by: hosam abdulaziz

المشاركة الأصلية كتبت بواسطة sanaa

أنت بس أدعيلنا نضل نروح ناكل لوز وتين عنب ونشرب عرق .............. ومابدنا غير شي !!!!!

كل يغني على ليلاه و انا على ليلايا اغني.

انا ما بيهمني من هالموضوع هو رجعة الصديق فايز بعد هالغيبة و انشاء الله تكون خلصت مشاريعك بنجاح.

المشاركة الأصلية كتبت بواسطة فايز زكور

أنو الموقع محجوب بس من فترة عملوا معها لقاء على التلفزيون السوري (يعني شي بيخليك تجن ع المزبوط)

انا ما عندي تعليق غير ان ياهدي هالمقطع من مسرحية ميس الريم لفايز و عبد الله

هذا الحوار بين جوزيف صقر و فيروز (زيون)
فهو عقد ما شاف زيون حشرية و بتدقق عكلشيء طلب منها تطنش و قلها:
الشاويش مطنش
المخفر مطنش
المجوز مطنش
بلد بامه و ابوه مطنش
ايام تطنيش
اما عن الحل للتنطنيش من وجهة نظره:
القنية لازم الواحد يظل يشرب لينسى الحقيقة
الحقيقة بتموت يا زيون.

فيمكن يا شباب مصيرنا و قدرنا انه ندمن عالتطنيش و الا رح نتعب.




Posted by: Desert rose

اقتباس:

إقتباس: اقتباس عن sanaa أنت بس أدعيلنا نضل نروح ناكل لوز وتين عنب ونشرب عرق .............. ومابدنا غير شي !!!!! كل يغني على ليلاه و انا على ليلايا اغني.

غريب كيف ماعد فهم علينا حدا بها
الأياااام ...أو أنا ماعم بعرف وصل الرسائل بشكلها الصحيح لأن بدها جرأة
وبصراحة أنا أفتقد بهيك مواضيع للجرأة اللازمة ..الأفضل زيد تفكيري بالعنب
والتين أهم بكتير من سيارة الوزير


زهرة الصحراء




Posted by: sulieman safar

Dear Sanna
Dont worry my dear .There is an arabic saying that goes like this: if
donkeys can fly they will cover the sun"s light.This might be the case
with our dear Hosam.
we love hosam and love to shred him to pieces
sulieman